ဖူ႔တာမိက္အု္ဟွာင္ၟဆံင့္ပုဒ္လကၤာ(အု္ဏါင္း ဏီ့)

၅၂။ ကာလာလု္အုိ၀္ ဍးအ္ုခါ့၊ ဖႜဳံလု္ေသွ္ယာ့ ကဲသင့္ဃာ့၊
စာလု္အွ္ လ၀္ဏဲဖုိင္္သာ၊ ေမံလု္ဖင္ က်ာ္သာသႝာ့။
၅၃။ ဂကူးဍး ဆုိဒ္္ဖႜဳံပု္အီ၊ ဖူ႕က်ာ္မု္လ၀္ စွ္ေအၟထီ့၊
လိ္က္လု္ေသွ္ ဟု္ကဲဂၞီ႔၊ လု္ၾကဳဂ္ သာသႝာအီ။
၅၄။ ပု္ဖႜဳံဆုိဒ္အီ လု္မာလိက္၊ ေခါ၀္ၟ၀ယ္ေလံသာ ဏွ္ဖူ႔က်ာ္၊
လိက္လု္ေသွ္ ဟု္ေမံသးခၚ၊ ႓းလင္ဆင့္ ဟု္္ဆင္းလင္႓ၚ။
၅၅။ လု္ဏင္ဏွ္အုိ၀္ ကဲအြာ၊ ဖုူ႔က်ာ္ဍးေစာ၀္ ေခါ၀္ၟ၀ယ္သာ၊
၀ိႏြာဲလု္နုိင္ ကဲအြာ၊ မု္ဆင္းလင္႓ၚ သာသႝာ့။
၅၆။ သာသႝာ့ယုက္အီ မြာဲ၀ိႏြာဲ၊ ေသွ္ယုဂ္ဏွ္ ေဒကးဟွယ္၊
လု္မာေလာဟ္ လု္ေသွ္ယာ့၀ယ္၊ ေဒယ၀့္ အု္လင္ၟအွ္လာဲ။
၅၇။ ထင္းသိမ့္(ပူ)ေအၟဟွံင္ ကဲသင့္ဃာ့၊ လု္လံင္အင္းဃွဴ႕ ေအးအြာ၊
ပရိယတိေအၟလု္မာ၊ လု္ကႜဳ္ခႜင့္ က်ာ္သာသႝာ့။

၅၈။ ဖူ႔က်ာ္ဏွ္ မာလုက္မာလင္၊ ကဲအု္ေခါဟ္ ဟု္အင္းၿခာင္ၟဌာန္႔၊
နာဲဖႜဳံလု္ခါင့္ ခုိ၀္းလု္၀င့္၊ သာသႝာ့ မာလာေအၟဖင္။
၅၉။ ဂီၞ႔ဂကူ ကဲသင့္ဃာ့၊ မြာဲေ၀့ အွ္ခုိ၀္ သာသႝာ့၊
ပရိယတ္ သင့္ေအၟလု္မာ၊ ခုိ၀္လု္ခါင့္ က်ာ္သာသႝာ့။
၆၀။ ကာလာေကခါင့္ ခုိ၀္အုိ၀္ဏယ့္၊ ဖူ႔က်ာ္ယ္ုေ၀့ ဍးစုိ၀္၀ယ္၊
လိက္လု္ေသွ္ ဟု္ေအၟကို၀္ၟကြယ့္၊ သင့္တုသင့္ယံင့္ မု္႓းတယ္။
၆၁။ ဖုူ႔က်ာ္မု္မာလုက္မာလင္၊ လိက္လု္ေသွ္ ဟု္ကုိ၀္းကြယ့္သင့္၊
ကုံးဗႝိက္သာလု္ကႜဳ္ခႜင္၊ အၿမတ္ယွာ ဟုံ႔ၿပံင္(ပႜ၀္) အင္း႓ႜင္။
၆၂။ ဖူ႔က်ာ္ယု္ေ၀့ ႓းစုဂ္ဖ၀္ၟ၊ ပု္ဖႜဳံဆုိဒ္ ယု္႓းကု္တ၀္၊
ကဲမႝီၟ ဆံင့္မံင္း၀ယ္ဟွ္၊ စာလု္ေဟွ၀္ ဟု္မု္ဟုံ႔ပႜ၀္။
၆၃။ ဖုူ႔က်ာ္ယ္ုေ၀့ ႓းစုဂ္ဟွံင္၊ ႓ုံးလု္အွ္ ပု္ကဲဖႜဳံခံင္၊
ပဟုိတ္လု္မာေလာဟ္မာဍံင္၊ ေ႓့ခႜၜသုိ၀္ သာင့္ဏွ္ထာင္မ်ံင္။
၆၄။ ကဲဖႜဳံဆုိဒ္ ပု္႓ုံးလု္္ဆိင့္၊ ဖူ႔က်ာ္႓းစုဂ္ လုက္ကႜိင္ဏိင္၊
သာင့္ထာင္ထင္းမ်ံင္ မြာဲလု္မိင္၊ စာတု္လုိင္ လု္ေဖွ္ထင္းသိမ့္။
၆၅။ ကာလာ႓ုိ၀္ ဍးအီလု္ဖုိင့္၊ ကဲဖႜဳံဆုိဒ္ ပု္႓ုံးလု္ယုိင္၊
ဃႊာလင္မာၟ ဟု္အင္းနုိင့္ဆုိင္၊ ဟွယ့္ထုင္းထင္းသာ့ လု္ကဲလုိင္။
၆၆။ ေအးဖႜဳံမ်ဳိ၀္း ယု္ေဖါဟ္လီသီး၊ ဖုူ႔က်ာ္မု္လ၀္ စွ္ေအၟထီ့၊
မ်ဳိ၀္းလင္ဖုိဟ္ ဟု္အင္းနုိင့္လီ၊ ဓမၼတာ သတ္ေဖါဟ္ေလာကီ။
၆၇။ ပုထုဇန္သတ္ေဖါဟ္အီဟွး၊ ေအၟလင္ဆင့္လံင္ဆင္းေလာဟ္သာ၊
က်း ေအၟထင္းထ၀့္ လ္ုဟွာဟွာ၊ လု္အွ္လုိင္ဍံင္သုင္းဍံင္သာ။
၆၈။ ပုထုဇန္သတ္ဍးအီဟွ္၊ အးတယ္မြာဲေ႓့ဏွ္သုိ၀္လွ္၊
႓ုံးေအၟေဍာဟ္အု္က်းထင္းထ၀့္၊ အင္းနုိင့္လီ လု္လးလု္ခ၀့္။
၆၉။ ပုထုဇန္သတ္ေဖါဟ္အီဟွးး၊ ႓ုံးေအၟထင္းထ၀့္ လု္ဏင္းသာ၊
ဓ၀္ၟမာန ပႜဳဂ္ထင္းအု္သာ၊ အွ္ယွာလ၀့္ ဍံင္သုင္းဍံင္သာ။
၇၀။ ပုထုဇန္သတ္ေဖါဟ္ ထုံၟစင့္္၊ ႓ုံးေအၟထင္းထ၀့္ ဓ၀္ၟသာဏင္း၊
လင္လု္လးယုဂ္ဏွ္ဆင္းလင္၊ ဓမၼတာ သတ္ေဖါဟ္ထုံၟစင့္။
၇၁။ ေအးယု္မ်ဳိ၀္ၟ ဖႜဳံေဖါဟ္သီးေဟွး၊ ဖုူ႔လ၀္စွ္ ဆံင့္မံင္းသုဦသုဦ၊
႓ုံးယုိ၀္ေအၟေပ၀့္ဏွ္လု္ေၿပ၊ ႓ုံးေဍာဟ္ထ၀့္မာေအးလင္ေဆ၀္။
၇၂။ ဟု္ဖႜဳံမ်ိဳ၀္ၟ ဖူ႔ဏွ္႓းလ၀္၊ စွ္ဆံင့္မံင္း သာကုိ၀္ဟွာဟွ္၊
႓ုံးအီေအၟေပ၀့္ လု္ထင္းထ၀့္၊ ခၝါင္ၟသံင္သာ့ လု္ထင္းဖ၀့္။
၇၃။ ယု္ဖႜဳံမ်ဳိ၀္ၟ ဖူ႔႓းဆ၀့္ပ၀္၊ စွ္္္ဆံင့္မံင္း ဖူ႔ဏွ္ဆု္လ၀္၊
တုိင္ဂလာန္က်ာ္အွ္ေ႓့ဏွ္၊ ဟုိတ္မြာဲ႓ုိ၀္ ဖူ႔ဏွ္႓းလ၀္။
၇၄။ အပၸဒိႏၵံံ ဗဟုေဟာတိ၊ ဗဟုဒိႏၵံံဗဟူတရံ၊
အပၸဒိႏၵံံေပ၀့္လာၟဏင့္ဟွ္၊ ဗဟုေဟာတိ၊ အက်ဳိ၀္ၟေဍာဟ္အုိ၀္၊
ကဲထင္းလ၀့္၊ဗဟုဒိႏၵြံံ၊ ႓ုံးဒါန ေအၟအးဍ၀္ဟွ္၊ ဗဟူတရံ၊
ကဲထင္းေ၀့ အု္က်ုဳိ၀္ၟအးဍ၀္၊ေ႓့ဏွ္သုိ၀္ က်ာ္အင္းတြ၀့္။
၇၅။ ပ္ုမာ႓ုံးဏင့္ ကဲထင္းေပ၀့္၊ ဓ၀္ၟသဒၶါ မာလာၟေအေဖႜ၀့္၊
႓ုံးကဲလာၟဏင့္သီးေပ၀့္ေပ၀့္၊ ေစတႝာ့ မာလာၟေအေဟွ၀္္။
၇၆။ ႓ုံးေပ၀့္လာၟဏင့္ က်ဳဳိ၀္ၟေဍာဟ္တယ္၊ မြာဲအု္ေရင္ သဒၶါအွ္၀ယ္၊
႓ုံးေပ၀့္ေဍာဟ္ဆာၟမြာဲမာကဲ၊ ေစတႝာ့ မာေအၟလုံ႔၀ယ္။
၇၇။ ႓ုံးဒါနမာကဲေအၟအး၊ သာသဒၶါစုဂ္ေအၟလင္ဖႜါ၊
ေစတႝာ့ေအးယို္င္လု္ပု္သာ၊ ေဍာဟ္ဏါင္းေ၀့ ဟု္႓ုံးဟု္ဃႊာ။
၇၈။ ႓ူးခႜီ႔အး ဟု္ေအးဖႜါ၀ယ္၊ ဆိက္လင္ၟေအၟေဟွ၀္ေဏ၀္ၟအးတယ္၊
႓ူးခႜီ႔အးယွာေဏ၀္ၟယွာတယ္၊ ဆိက္ေဟွ၀္ဏင့္ဟု္အင္းလု္႓ႜယ္။
၇၉။ ေဍဆိက္လင္ေဟွ၀္႓ူးခႜီ႔ယုိင္၊ ဖႜါလင္ေအးေဟွ၀္႓ူးတၞဳိင့္၊
၀၀္သိင့္လာ့ေဟွ၀္႓ူးထုင္းယုိင္၊ ႓ူးသးေဟွ၀္ ခႜါင္လ္ုအွ္လုိင္။
၈၀။ဖူ႔က်ာ္ယ္ုေ၀့ ႓းလ၀္ထာင္၊ နႏြာဲပၞာ့ ဓ၀္ၟဆု္ခႜါင္၊
ေအးမာ႓ုံး သာာဏွ္ေအၟအာင္း၊ သဒၶါစုဂ္မာလာၟေအၟပါင္။
၈၁။ ဆိက္္ေဟွ၀္ဏွ္ မာေအလု္ေဟွ၀္၊ ပၞာ့ႏြာဲၟက်ာ္ ႓းလ၀္ေလ၀္၊
႓ုံးေစတႝာ့ေအၟလု္ေဟွ၀္၊ ေဏ၀္ၟ႓ုံးဏင့္ အု္က်ဳိ၀္ၟေပ၀့္ေပ၀့္။
၈၂။ ဆိက္လင္လု္ေဟွ၀္ေအၟဖႜါလင္၊ ႓ူးထုင္းလု္သိင့္ ႓ူးလ႓င္၊
ေဖွ္လင္၀ဲၿပဳိင္ရုင္ေဍဥာဏ့္၊ အင္း႓းဍာ္ ပုိင္ေအးလာၟဏင့္။
၈၃။ ဖူ႔က်ာ္႓းလ၀္ဏဲပု္ယုံ႔၊ ပၞာ့ဆု္ခႜါင္ အင္းထုိင့္ကုံ၊
လု္ခါင့္ခုိ၀္း ပု္ေအမာ႓ုံး၊ ေစတႝာ့မာလာၟေအၟလုံ႔။
၈၄။ ပု္ေ၀့ဍး ဖႜဳံမ်ဳိ၀္ၟလု္ပုံ၊ ဃႊာလင္ထုက္ခါ့ ႓းကဲဖႜဳံ၊
ဃႊာလု္အွ္ ဟု္အင္းနုိင့္ကုံ၊ မြာဲမူ႔လာ ပု္႓ုံးလု္လုံ႔။
၈၅။ တုိင္ဂလာန္က်ာ္ဓ၀္ၟပု္ယု႔ံ၊ ဟွဳိင့္႓းဖ၀္ၟ ပု္ကဲဏင့္ဖႜဳံ၊
ထံင္အီစူးယာ့ ေအၟမာ႓ုံး၊ ေစတႝာ့မာလာၟေအလုံံ႔။
၈၆။ ကဲမႝီၟ ပ္ု႓းလင္မိင္၊ ဍဳံေဍာဟ္ယာၟထ၀့္ ဍးလု္ဃွိင္၊
႓ုံးပု္ပၱံင္ ေအၟလု္ဆိင့္၊ ကုိ၀္္ၟက်းေဍ ပု္႓းလင္မိင္။
၈၇။ ကဲမႝီၟ ပု္႓ုံးလင္္ဆင့္၊ မူ႔လာမြာဲ ပု္႓ုံးစီေရင့္၊
ကုသု္ိလ္ေအၟမာ႓ုံးအု္သင့္၊ ေစတႝာ့မာလာၟေအၟလင္။
၈၈။ ဂကူမ်ဳိ၀္ၟဖႜဳံ ပု္ေ၀့ဍး၊ ဖူ႔က်ာ္မု္မာလုက္လ၀္သာ့၊
သဒၶါလု္ဆိင့္႓ုံးေအးမာ၊ အု္က်ိဳ၀္ၟေပ၀့္ ထံင္႓းပု္တာ။
၈၉။ ႓ုံးအု္က်ဳိ္၀္ၟ ပု္ေဏ၀္ၟေအၟေပ၀့္၊ ကဲမႝွီၟဏင့္သီး လု္ေဟွ၀္၊
သာယြယ့္စူးဏင့္သီးလု္ေဏ၀္ၟ၊ ထုင္စွ္ပႜ၀္ သာဏွ္လင္ေပ၀့္။
၉၀။ သာေစတႝာ့ေအၟလု္ခုိင့္၊ ကုသုိလ္႓ုံး အု္က်ဳိ၀္ၟလးအုိင္၊
ပု္မာ႓ုံးတယ္လု္ဖုိင္ဖုိင့္၊ ဖံင္းကုိင္သာ မာလာၟေအးဆုိင္။
၉၁။ ပု္ဖႜဳံဆုိဒ္အီ အွ္မိင္လ၊ ဖူ႔က်ာ္႓းလံင္ လ၀္ဏဲသာ့၊
ယါင္ေဍဥာဏ္က်ာ္ ပညာ့ယွာ၊ခၚေဍာဟ္တယ္ ဖူ႔႓းယင္သာ။
၉၂။ ပု္ဖႜဳံဆုိဒ္အီေမံလု္ဖင္၊ အွ္မိင္လး လင္ေထံလင္ထင္၊
ဟုိတ္လု္ဍးခံင္ တႜာဥာဏ္၊ သာ႓းခၚ ယါင္ေဍဆု္ဖင္။
၉၃။ တႜာဥာဏ္ကႜာ ေအၟနုက္လင္၊ ကို၀္မိင္ကုိ၀္စိင္ဏွ္လင္ဆင့္၊
ေအၟထံင္႓ုံး ပရိသတ္၀င့္၊ ေမံလင္သီ့ ဖူ႔႓းသာယင့္။
၉၄။ ပု္ဖႜဳံဂကူ ေဖါဟ္သီးေဟွး၊ လိက္မာေလာဟ္၀ယ္ကုိ၀္ဟွာေဍ၊
လိက္လု္ေသွ္ ဟု္လု္တင့္ဃွဳဦ၊ ပရိသတ္ ဟု္ႏုက္ထံင္ေအး။
၉၅။ ပု္ဖႜဳံဆုိဒ္ ဖူ႕မု္လ၀္ပ်ာ၊ စွ္သာေအၟထီ့ ကုိ၀္အ္ုဟွာ၊
လုက္ပၚသုိင့္ဆင့္ ဘုံေခါဟ္ဍာ၊ အု္ဟွံင္ထင္းထ၀့္ မြာဲပညာ့၊
ဟု္ေအၟေသွ္တယ္ လု္ဟွာဟွာ၊ ဆုိဒ္အုိ၀္ေဟွ၀္ ဟု္႓းထုိင္သာ့။

ဖူ႔က်ာ္ ပရမ (နာဲဍီးအြာ)
ပၚက်ံင္ၟေတာရဘာၟ
ပၚက်ံင္ၟဍဳံ
ဖႜဳံထီ့ခါန္ၟ