ဖူ႔တာမိက္အု္ဟွာင္ၟဆံင့္ပုဒ္လကၤာ(အု္ဏါင္းလု္)

၁။ ထီ့ခါန္ၟထံင္ ပု္အွ္အီဟွး၊ ကာလာလု္ဖႜဳံဍးလု္သာ့၊
ဖူ႔တာမိက်ာ္ မြာဲမူ႔လာ၊ ကဲသင့္ဃာ့ဖႜဳံ ပထမ။
၂။ ကါလာလု္ဖႜဳံ မူ႔လာထာ္၊ ဂၞီ႔မြာဲဖႜဳံ လု္အွ္ဍာ္၊
မူ႔လာပၱံင္ မြာဲဖူ႔က်ာ္၊ ကဲသင့္ဃာ့ ဖႜဳံအု္ခင္းထၚ။
၃။ ဖူ႔က်ာ္မူ႔လာ ကဲထင္းသင့္၊ ဍဳံအင္း၀ဖုိင္ ဍဳံပု္ယင္၊
သင့္ဃႊာထု္႓ါ ေဖွ္ထုဂ္ေလင္ၟ၊ ေဍတု္ဆာ္ကု္လၜေဖွ္လင့္။
၄။ ဖူ႔က်ာ္မြာဲဖႜဳံ တႜာဥာဏ္၊ ယုက္သာသႝာ့ ကဲထင္းသင့္၊
ပု္ဖႜဳံဆုိဒ္ခၚ ေ႓့မု္ဖါန္၊ ေဏ၀္ၟလာၟက်ာ္ထုံ႔အွ္လင္ထါန္႔။
၅။ ဖူ႔တာမိက်ာ္ တႜာဂုဏ္၊ ဌာန္႔ၿခာင္ၟပၱံင္ ေဖွ္ပု္ဖႜဳံ၊
ေယွာတ္စြဲယတ ၿခာင္လင္ဆုံ၊ ဒုိဟ္ဒစာန္ ဟွယ့္ကဲထံင္ကုံ။
၆။ ေယွာတ္စြဲယတ ၿခာင္လင္ကုံ၊ ဂဂၤါပၱီ ေယွာတ္ထးဆုံ၊
ဖူ႔တာမိက်ာ္ ပၱံင္ဍဳံ၊ ထၚလု္အုိ၀္ဖႜဳံ ေဏ၀္ၟက်ာ္ထုံ႔။
၇။ ဖူ႔တာမိက်ာ္ဂုဏ္ေဍာဟ္တယ္၊ ယုက္သာသႝာ့ကဲထင္းေထရ္၊
ဍဳံအင္၀ ေလ၀္ထင္းထံင္တယ္၊ သာမည ေလ၀္ကဲကးဟွယ္။
၈။ ဖူ႔က်ာ္မြာဲ ဖႜဳံခြဲါကၶင္၊ ဍဳံအင္၀ ထံင္ထင္း ကင္၊
ပရိယတၱိ ဏွ္္္ကႜဳ္ခႜင့္၊ လိက္ပိဋကတ္ ဏွ္ဆံင့္လင္။
၉။ ဖူ႔တာမိက်ာ္စာင္းခၝါင္ၟ၊ ဍဳံအင္၀ ထံင္ထင္းဟွယ့္ထါင္၊
ၿခာင္ဌာန္႔ပၱံင္ ဘာၟပူရာင္၊ ေဏ၀္ၟဂုဏ္တာ ဖႜဳံေဖါဟ္လု္ခါင့္။
၁၀။ ဖူ႔က်ာ္ပၱံင္ ဏဲဖုိင္သာ၊ ကဲအု္ေခါဟ္ ေလ၀္၀ီၟလု္ယာ့၊
လင္ထာင္လု္္္္ ပု္ဍးလု္သာ့၊ ပိဋကတ္ မာေလာဟ္ကုိ၀္ဟွာ။

၁၁။ ပိဋကတ္လိက္ ပု္ေအခြိက္ယွဳိ၀္၊ ေမံလု္ဍး ဟု္စာင္းလု္ဖႜဳိ၀္၊
ဖူ႔က်ာ္လင္ခါင့္ ႓ုိ၀္ဏါင္းယုိ၀္၊ ကဲဂၞီ႔ဖႜဳံ အးသၞဳိ၀္။
၁၂။ ဖူ႔က်ာ္လင္ခါင့္ ႓ုိ၀္အီဟွး၊ ဂၞီ႔မြာဖႜဳံ အးထင္းဏါ၊
ပိဋကတ္လိက္ ပု္္္ေအလု္မာ၊ ပ်းဖူ႔ခါင့္ လု္ေဏ၀္ၟဖုိင္သာ။
၁၃။ ပု္ဖႜဳံလု္ခါင့္ ကဲဂၞီ႔၊ ဖူ႔က်ာ္စာင္း လံင္ေယာ၀္ၟေအထီ့၊
ပိဋကတ္လိက္ ပု္ေအလံင္ဟြီ၊ မြာဲဖူ႔က်ာ္ ဖုိင္မူၟထူ႔လီ။
၁၄။ ဖူ႔က်ာ္ဏွ္ မာလုက္ကုိ၀္ကုိ၀္၊ စာင္းေအ႓း ဂလာန္က်ာ္ယုိ၀္၊
၀ိႏြာဲဂၞီ႔ ေအအွ္ခုိ၀္၊ မြာဲသာသႝာ နိဗၺာန္ထုိ၀္။
၁၅။ ဖူ႔တာမိက်ာ္ ဏု္တု္ခြါ႔၊ ဖူ႔က်ာ္ခႝိင္ ဏွ္လု္ဟွာ၊
လု္ပုံစံင္းဃွင္ၟ အင္းဌာန္႔ဘာၟ၊ ထံင္ၿခာင္ၟဌာန္႔ ပ၀္ေလံဏီ့ဟွာ။
၁၆။ ဖူ႔က်ာ္ဏီ့ဟွာဏွ္ ပ၀္ဖ၀္္ၟ၊ တြာ႔ဏီ့ဟွာ အွ္ထာင္ဍ၀္၊
ဖူ႔က်ာ္ဍံင္တံင္ ဖူ႔ဆံင္ဖ၀္ၟ၊ ေ႓့ဖူ႔က်ာ္ တုပုင္ သၞ၀္။
၁၇။ ဖူ႔က်ာ္ဆံင္ဖ၀့္ ဏွ္လု္ဟွာ၊ တု္၀ါန္႔လု္ကႜာ္ အွ္မူ႔လာ၊
ဍဳံဌာန္႔၀ ဏယ့္ ခါန္ၟရာတာ၊ အွ္လု္အုိ၀္သုိ၀္ ပထမ။
၁၈။ ဖူ႔က်ာ္ဍံဳတံင္ ဏွ္လု္ဟွာ၊ အု္ပံင္ တု္၀ါန္႔ အွ္မူ႔လာ၊
ဇာတိႏုတံင္ ဏွ္ထႜာ၊ ထံင္ခါန္ၟအီ ပု္ရာပု္တာ။
၁၉။ ဖူ႔က်ာ္ဍံဳတံင္ ဏွ္လု္ခါင့္၊ ယုက္သာသႝာ့ ဏွ္ေလင္ၟထာင္၊
ပုထုဇန္ ကံင္ဏွ္အင္းတာင္၊ ေဟွ၀္ေသွ္ယာ့ မာလု္ဍဳဂ္ပါင္။
၂၀။ အွ္ဍာ္မြာဲ ဖူ႔က်ာ္ဆံင္ဖ၀့္၊ ယုက္သာသႝာ့ ထံင္ၟအု္ပ၀္၊
ေ႓့မု္႓း ဂလာန္က်ာ္လ၀္၊ အင္းဌာန္႔ၿခာင္ၟ ဖႜဳံေဖါဟ္ဆ၀့္ပ၀္။
၂၁။ ဖူ႔က်ာ္လု္ခါင့္ဏွ္ ပ၀္ဟွံင္၊ တြာ့ဏီ့ဟွာ အွ္ဃွိက္ဃွံင္၊
ဖူ႔က်ာ္ဖအံင္ ဖူ႔ေရႊအံင္၊ အင္းဌာန္႔ ၿခာင္ၟ မာေလာဟ္မာဍံင္။
၂၂။ ဖူ႔က်ာ္ဖအံင္ ဏွ္လု္ဟွာ၊ အု္က်ဳင္ၟတု္၀ါန္႔ အွ္မူ႔လာ၊
ကုိ၀္ဖမုိ၀္ ထီ့ခါန္ၟ ပု္တာ၊ ဖူ႔က်ာ္ေရႊအံင္ လင္မူ႔လာ။
၂၃။ ဖူ႔က်ာ္ဖအံင္ လု္ဟွာဏွ္၊ အု္က်ုဳံၟတု္၀ါန္႔ဏွ္ထာင္ပ၀္၊
ဖူ႔က်ာ္ေရႊအံင္ လု္ဟွာဍ၀္၊ အင္းဌာန္႔ၿခာင္ၟ သာယွာၟဏွ္ပ၀္။
၂၄။ ဍဳံဌာန္္႔ ပု္ဌာန္႔ထံင္ဍးအီ၊ ဂကူေယွာဟ္ဖႜဳံ ဆုိဒ္လင္ထီ့၊
ဖူူ႔တာမိက်ာ္ဏွ္ ေလ၀္၀ီၟ၊ ယုက္သာသႝာကဲအု္၀ီၟ။
၂၅။ ဖူ႔တာမိက်ာ္ ကဲသင့္ဃာ့၊ ယုဂ္ယာန္းေဍာဟ္ ၀ိႏြာဲသိကၡာ၊
အယြယ့္စူး ဖုိလ္ေလါကုတၱာ၊ ပုိင္ေလာကီ သာဏွ္လု္မာ။
၂၆။ ဖူ႔တာမိက်ာ္ ကဲဂၞီ႔၊ ယုဂ္ယာန္ၟေဍာဟ္တယ္ ၀ိႏြာဲအီ၊
ႏုဦ႔မိင္ဏီ့ယာ ေဍႏုဦ႔ဆီ့၊ ဖံင္းကုိခုိင့္ ကုိ၀္မူၟအု္ဏီ။
၂၇။ ဖူ႔တာမိက်ာ္ လု္အု္သင့္၊ ႏုိင္ေဍလိက္ေယာ၀္ လိက္ပု္ယင္၊
လိက္သဒါခ၀့္ ဏွ္ကႜဳ္ခႜင့္၊ လင္တရာဍဳံ အင္းၿခာင္ၟဌာန္႔။
၂၈။ ဖူ႔က်ာ္ပ၀္ဟွံင္ ဏိင္းလု္ခါင့္၊ လု္ယာဃွဳိ၀္းဆီ့ ႓ႜဲထင္းပါင္၊
အွ္ခႜဳိ၀္ထ၀္ၟလင္ အေမြဆာင္၊ သိင္ၟဆုိင္သင့္ ဖႜဳံေဖါဟ္လု္ခါင့္။
၂၉။ ဖူ႔က်ာ္ဍး ဖႜဳံေဖါဟ္ယင့္သာ၊ အင္းဏင္ေဖွ္ ေမြ႕သာသႝာ၊
ဖူ႔က်ာ္အာ ဖႜဳံေဖါဟ္ကုိ၀္ဟွာ၊ ဖံင္းေအခိုင့္ ၀ိႏြာဲ သိကၡာ။
၃၀။ ပု္ဖႜဳံေဖါဟ္ေဏ၀္ၟလာၟက်ာ္ထူ႔၊ ထုံဒဒုက္ ဖူ႔႓အင္းဃွဴ႕၊
က်ာ္ေမြ႕ေဏ၀္ၟသာ့ မြာဲဂုဏ္ဖူ႕၊ မာေလာဟ္မာဍံင္ လာၟေအးဍဴ။
၃၁။ ပု္ဖႜဳံေဖါဟ္ ေ႓့လု္လင္ဆင့္၊ ဖူ႔က်ာ္ပၱံင္ ဏဲေဖွ္လင့္၊
ကႜဳ္လာၟ လိက္ေယာ၀္ လိက္ပု္ယင္၊ က်ာ္ဆု္ခႜါင္ ကႜဳ္လာၟေအဖင္။
၃၂။ ပု္ဖႜဳံေဖါဟ္အီ လိက္လု္မာ၊ ဖူ႔က်ာ္ဍး၀ယ္ ႓းယင့္သာ၊
ေအၟထံင္တႜာဥာဏ္အု္ကႜာ၊ ပ်းဆု္ခါင့္ တ၀္ရ၀္ဆု္မာ။
၃၃။ ဖူ႔က်ာ္ဏ္ွ မာလုက္လ၀္ထုဦ႔၊ သင့္ဖႜဳံလု္ခါင့္ ေဖါဟ္သီးေဟွး၊
လင္ဆင့္လု္ခါင့္ လု္ဟွ၀္္သုဦ၊ ပိဋကတ္ မာကုိ၀္ဟွာေဍ။
၃၄။ ၀ိႏြာဲလိက္ မာေလာဟ္ေအၟေသွ္၊ အင္းဃွဴ႕လာၟ စာလု္အု္ေဟွ၀္၊
၀ိႏြာဲဂၞီ႔ ဏွ္ေအၟေသွ္၊ ယုက္သာသႝာ့ ေဏ၀္ၟဆု္ေဟွ၀္။
၃၅။ ဖူ႔တာမိက်ာ္ လ္ုအု္သင့္၊ ယုက္ပါင္ထင္း မ္ု(ေမာ၀္)ဒုင္ပု္ယင္၊
ဟု္ဖႜဳံဆုိဒ္ လု္ကဲ႓းသင့္၊ အၥာတု္လိုင္ ဏွ္လ၀္ၾကင္။
၃၆။ လိက္လု္ေသွ္ ဟု္ကဲအု္စာ၊ ေ႓့ဟု္ေမံခၚ ဏဲဖုိင္သာ၊
ေမံလု္ဍး တာ္ခ၀့္လု္ယာ့၊ ဟု္ပ်းအု္ခါင့္ မးဖုိင္သာ။
၃၇။ သင့္ဃာ့တု္လုိင္ လု္အု္သင့္၊ ႓းဍံင္လိက္အုိ၀္ လု္ကႜဳ္ခႜင့္၊
ဟု္ဖႜဳံဆုိဒ္ လု္ကဲ႓းသင့္၊ လု္မြာဲက်ာ္ခႜါင္ ဏွ္လ၀္ၾကင္။
၃၈။ ဖူ႔က်ာ္ဏွ္ သာလု္မုက္လိုင္၊ ကု္ညာထင္းထံင္ အင္၀းဖုိင္၊
သင့္ဃႊာသတိင္ ထင္းၿပဳိင့္၊ တႜာပညာ့ ဏီၟ႓ဆုိင္။
၃၉။ ဖူ႔က်ာ္ဏွ္ မာလုက္မာလင္၊ ပရိယတ္ မာေအၟကႜဳ္ခႜင့္၊
သင့္ဖႜဳံေဖါဟ္အီ ေမံလု္ဖင္၊ ပ်းဆု္ခါင့္ ယံင့္၀ယ္စာင္းၾကင္။
၄၀။ ဖူ႔က်ာ္ဏွ္ မာလုက္ယုိင္ယို္င္၊ ယု္ထာင္လင္ၟခါင့္ ေအထႜဳိင့္၊
ပု္ဖႜဳံဆုိဒ္ ဟု္မု္အင္းနုိင့္၊ ပိဋကတ္ မာလာၟေအၟယိုင္။
၄၁။ ဖူ႔က်ာ္ဏွ္ မာလုက္္လ၀္ထုဦ႔၊ မြာဲယု္ဆုိဒ္ ဖႜဳံေဖါဟ္သီးေဟွး၊
ပရိယတ္ မာကုိ၀္ဟွာေဍ၊ သာသႝာ့ လု္မြာဲ ဆု္ကုဦ။
၄၂။ ကုံနာဲ တု္ပဦုေဖါဟ္ေပ၀္ေပ၀့္၊ အွ္ပါမုက္ပႜ၀္႓းလု္ေဃွ၀္၊
ပရိယတ္ မာေ႓့ မု္ေသွ္၊ နိဗၺာန္ဖုိင္သာ မြာဲပု္ေလ၀္။
၄၃။ ကုံနာဲတု္ပဦုေဖါဟ္သီးေဟွး၊ စာေဟွ၀္အင္းဃွဴ႕ ကုိ၀္ဟွာေဍ။
အြာလု္ေဟွ၀္ ေအေဖါတ္ထဦု၊ ပညာ့ခၚ လင္ဍးပု္ေ၀့။
၄၄။ တု္ပဦနာဲ ကံင္ထင္းဆု္႓င္၊ ရုက္သာ္မြာဲသာသႝာ့ဟွင္ၟ၊
သီလ ဖံင္းကုိင္ေမံလု္ဖါန္၊ စာင္းလု္ဖႜဳိ၀္သာသႝာ၀င္။
၄၅။ ဖူ႔က်ာ္ဏွ္ မာလုက္ကုိ၀္ကုိ၀္၊ စာင္းေအး႓း သာသႝာ့ယိုု၀္၊
ေအၟလု္႓း ၀ိႏြာဲ ထီ့ခႜဳိ၀္း၊ ယုက္သာသႝာ့မု္ဟွာဖႜဳိ၀္။
၄၆။ ဖူ႔က်ာ္ဏွ္ မာလုက္လ၀္ထီ့၊ စာင္းေအၟ႓းဂလာန္က်ာ္အီ၊
၀ိႏြာဲ ႓းမာကဲဂၞီ႔၊ သာသႝာ့ဖုိင္ မု္ထူ႕လီ။
၄၇။ ၀ိႏြာဲ လု္မာကဲသင့္ဃာ့၊ ဖူ႔တာမိက်ာ္ ေခါ၀္ၟ၀ယ္သာ၊
တု္ပုဦနာဲ ကံင္ထင္းထၝာ့၊ ယံင့္၀ါဲဟွာဖႜဳိ၀္သာသႝာ့။
၄၈။ အၥာလု္ေဟွ၀္ ေအၟလံင္ပ်၊ ဟွာဟွံင္ေဏ၀္္ၟတယ္ေဍတု္၀ါ့၊
ဖူ႔က်ာ္ယု္ေ၀့ ႓းစုဂ္႓း၊ လ္ုေဖွ္ယု္႓ႜဳဂ္သာသႝာ့။
၄၉။ ဖူ႔က်ာ္ယ္ု႓းစုဂ္ဖ၀္ၟ၊ ခႜာင္ဖု္ယိက္အြာမြာဲေအးဟွဟ္၊
ေအၟလု္ေသွ္လ၀္လာၟေအတ၀္၊ ဆာ့သာသႝာ့မြာဲ႓ုိ၀္လွ္။
၅၀။ဖူ႔က်ာ္႓းစုဂ္ဍးယ္ုေ၀့၊ ခႜာင္ဖု္ယိက္စာလု္မြာဲေအး၊
ေသွ္္ယာ့ေအး လ၀္ေအၟတ၀္ေ႓၊ သာသႝာ့ ပါေဍဆု္ကုဦ။
၅၁။ ကာလာလု္အု္၀ီိိိိၟအုိ၀္ဟွး၊ ထီ့ခါန္ၟထံင္ ပု္ရာပု္တာ၊
ေအၟမြာဲထႜဳိင့္ဂိုဏ္းအြာ၊ ပိဋကတ္ကႜဳ္လု္ကုိ၀္ဟွာ။
ဖူ႔က်ာ္ပရမ(နာဲဍီးအြာ)ေ၀့ သႜပတ္သုတလကၤာ