မြာဲ ယု္လ၀္ဏု္လွ္

2.6.2009
ေဟွး--လိက္၊ ခြိက္လင္ေဖွ္ယု္ ဏု္ေဖါဟ္ဏင္ၟ႓ိင္း။ ခြိက္လင္ဟွး၊ ခြိက္လင္ေအးဟွး။ ဏု္ေအလု္ခြိက္္ လင္႓းစာ္႓ုိ၀္ ယု္ုမု္ထင္းအင္းခြိက္္ ဏု္ေဖါဟ္လုက္ဆိင့္လွ္။ ထုဲးဖါ့က်ဳင္းဏွ္ လ၀္ထင္းေ၀့လိက္ ေ႓့ဏွ္သုိ၀္ဟွံင္ လိက္ဏွ္ဍ၀္္တာၟ သာမဲ႓း ထုဲးမု္ထင္းအင္းခြိက္ အု္ေဖါဟ္လုက္ဆိင့္အု္ေခါဟ္္က်ံင္ ခြိက္လင္ေဖွ္ေ၀့ အု္ေဖါဟ္လု္႓ိင္းလွ္။ ထုဲးဖါ့က်ဳင္းဏွ္ ယူ႔ယာၟေဏ၀္ၟေ၀့ အု္ေခါဟ္က်ံင္ ဟွွယ့္လ၀္သာမဲ ကုိ၀္ထင္းေ၀့လိက္ဏွ္ ကႜဳ္ကႜဳ္လွ္။
ဖႜဳံဆုိဒ္ေဖါဟ္သီးကုိ၀္ဟွာေဍဆာ္--
ေ႓့ဆု္ခႜာင္လ၀္ဆုိ၀္လ၀္ဍံင္ အွ္ထ၀ယ္ယုိ၀္ ဏု္သီးဆံင္းမံင္းေယာ၀္ၟစုိ၀္႓း ေအထီ့ဆာယင္ၟ။ အု္ခ၀့္ပု္ယ၀့္ မု္ဟွယ့္ဖႜဟ္ထင္းေ႓့ေသွ္လဲ။ ဖႜဳံဆိုုဒ္ေဖါဟ္ယုိ၀္ ဆု္ေသွ္ယာ့၊ ဆု္ခိင့္ဖါ ပညာ၀ိဥာဏ္ေအလု္အွ္႓း ေ႓့လိက္သုိ၀္ဏွ္ စာ္႓ုိ၀္ ေဍခီ႓ုိ၀္ဏါင္းယုိ၀္ဏွ္ ဆ္ုမု္ဟွယ့္မာယွဳဂ္၊ မာသာမဲဟု္ကႜဳ္ကႜဳ္လွ္။ လ၀္လု္ဖႜဳံအု္ဃွာၟဃွံင္ဏွ္ဍာ္ေဃွ၀္၊ ေယာ၀္ၟလင္၀ီၟ ထံင္ၟဖႜဳံတု္ကုိ၀္ၟကုိ၀္ၟဖႜဳံယုိ၀္လ၀့္၊ မာယွဳဂ္အင္းထာင္ေလာတ္သာ၊ မာတုိင္အင္းထာင္ေလာတ္သာ၊ ေေအအင္း႓းေ႓့ထုဲးဖါ့က်ဳင္းဏွ္သုိ၀္ဟွံင္လွ္။ ဖႜဳံတု္ကုိ၀္ၟဖႜဳံ႓းမာနိုုင္အင္းထာင္ေလာတ္သာသီး ပါကာေ၀့လုိင္ေအးမြာဲယာၟ။
ဏယ္အင္းဆု္ယ၀့္၊ သာမဲဆု္ေသွ္ဖႜဳံေဖါဟ္လု္ဖးဏွ္ဍ၀္ ဆာမြာဲအွ္ဏွ္ ေဖွ္လင့္အင္းခြိက္ဟွံင္၊ အု္က်းဟုံ႔ပႜ၀္ ေ႓့လိက္အုိင္ခၚယုဂ္သီး ေသွ္ယာ့လင္သာဍာ္ေအး။ အွ္၀ယ္ေဍအု္လင္ၟအု္ကႜယ္၊ အွ္၀ယ္ေဍအု္သုဲ႔အု္ဍဳံ၊ အုွ္၀ယ္ေဍအု္မူၟအု္ထုင္း ထီ့ထီ့ဆာဆာယုဂ္သီး ကု္ယင္ၟဏွ္ ဆု္ဟွယ့္မာတုိင္ မာသာမဲ ဟု္ေ႓့ဏွ္သုိ၀္ ဟု္မု္႓းဆံင္းမံင္း ခိင့္ဖါေယာ၀္ၟ ေအထီ့ေအဆာ မြာဲ႓ုိ၀္ယာၟ။ ဟု္႓းဖႜိင္ဖႜင္ၟၾသင့္ အု္လင္ၟအွ္ေအးလွ္။
ဟွယ့္လုိ္တ္၀ီး လုိတ္ဏး ထင္းသာ လိ္က္လာဲလု္အု္သင့္ လု္မိင္ဍ၀္သီး ဟွယ့္မာတုင္ကု္ဍီကု္ဟွယ့္လ၀္ သာမဲဟု္ဟွံင္၊


ဟု္ေအယွွွဳဂ္ေဏ၀္ၟဟု္ေအ ဏယ္အင္းမးဍာ္စာ္႓ုိ၀္ ဖႜဳံဆုိဒ္ေဖါဟ္အု္က်းဖုိင္သာ အု္ႏုဲ႔အု္ထုိ၀္ဏွ္ ဟု္အင္းဃွဴ႔မု္႓းမြာဲလုိင္ေအး။
ဆု္လု္ဆု္ဏယ္အင္းဆု္ယ၀့္ သာမဲကႜင္ဆု္ယ၀့္သီးယုိ၀္ ထၞာ့ႏူၟမြာဲဆု္ေသွ္ယာ့ဏးေသွ္ ဆု္အင္းဏင္ခိင့္ဖါ (ပညာ)လု္အွ္႓းလ၀့္မြာဲယာၟ။ ေယာ၀္ၟလင္သာ့ ထံင္ၟပု္ဟွင္ထာ္ယုိ၀္လ၀့္၊ ေမာ၀္ၟဖါၟဖီ့ဖူ႔သီးလု္ဖး ခႜဳိ၀္ထ၀္ၟလင္ထ၀ယ္ ပု္ဆု္ဃွီ႔ဆု္လာ၊ ပု္ထူ႔ရူ႔မုင္ၟ႓်ာ၊ ပု္လိက္ပု္လာဲသယ္လု္ဖး အွ္၀ယ္မ်ာ့ဏွ္ဟွဳင္ၟဟွဳင္ၟခုိင့္ခုိင့္ လုိင့္လုိင့္ဃွဳဦဃွဳဦယုဂ္သီး ဖ၀္ၟမူဟွး တု္ဟွးလ၀့္- ဟွယ့္လိုတ္၀ီး လုိတ္ဏးထင္းသာ လိက္လာဲလု္အု္သင့္လု္မိင္ဍ၀္သီး ဟွယ့္မာတုင္က္ုဍီကု္ဍာဟွယ့္လ၀္သာမဲဟု္ဟွံင္၊ဟု္ေအယွဳဂ္ေဏ၀္ၟ ဟု္ေအဏယ္အင္းမးဍာ္စာ္႓ုိ၀္ ဖႜဳံဆုိဒ္ေဖါဟ္အု္က်းဖုိင္သာအု္ႏုဲ႔အု္ထုိ၀္ဏွ္ ဟု္အင္းဃွဴ႔မု္႓းမြာဲလုိင္ေအး။ ဟု္မု္ဟွထင္း ေသႝ၀့္ၾသင့္သီး မြာဲလုိင္ေအးလွ္။
ဖႜဳံဆုိဒ္ေဖါဟ္သီး ကုိ၀္ဟွာေဍဆာ္-
ဟု္လ၀္ဆု္ ဖ၀့္တုိင္႗႗(ဆု္ဖႜင့္ဟွွ)ဆု္ခႜာင္ယုိ၀္-ဖုိင္သာကါင္ဖါ အု္႓ံင္ေအအးစာ္႓ုိ၀္ မြာဲဟု္မု္ထံင္႓း ဃွဴ႔ဃွဴ႔ဃွင္ဃွင္မြာဲ႓ုိ၀္ယာၟ။အု္ယုိ၀္ဍဴပညာ့ဢာဏ္႓ႜဟ္၊ သာလု္ဖါန္႓းလု္ဖးဏွ္မာယွဳဂ္အင္းထာင္ေလာတ္သာ ေ႓့ထုဲးဖါ့က်ဳင္းသုိ၀္၊ဍီလင္ခုက္ ေခါဟ္ႏုက္လင္ခႜဳက္လု္ဖးဏွ္ဍ၀္ သာမဲကႜင္ ဏယ့္အင္းကႜင္ဆု္ ေ႓့လိက္အုိင္ခၚသုိ၀္၊ ဖႜဳံတု္ကုိ၀္ၟကုိ၀္ၟဖႜဳံ၊ အု္က်းဖႜီထုိ၀္ စုိင္ေဍာဟ္မုိတ္သာလု္ဖး ကြဲလင္(ပႜ၀့္လင္)မု္ေဏ၀္ၟယ၀့္ဍာ္ဟွး။ ေဟွး---လိက္၊ ခြိက္လင္ေဖွ္ယု္ ဏု္ေဖါဟ္ဏင္ၟ႓ိင္း။ ဏု္ေအလု္ခြိ္က္လင္႓းစာ္႓ုိ၀္ ယု္မု္ထင္းအင္းခြိက္ ဏု္ေဖါဟ္လု္ဏု္သုဲ႔ဖုိင္လု္ဖးဏွ္ လုက္ဆိင့္လွ္။
ေဟွး--- ထုဲးအုိင္ခၚ၊ ယု္ခြိက္လင္ဲကဲေအး၊ ဏု္ဟွယ့္ထင္းလု္ယု္သုဲ႔ဖုိင့္ယုိ၀္ ေအေသွ္စာ္႓ုိ၀္ ယု္ေဖါဟ္သီးကာေအး၊ အင္းခြိက္ေဍယ္ုဏင့္ဆာၟသယ္ယုိ၀္ လုက္ဆိင့္ဏွ္---ေ႓့ဏွ္သုိ၀္မြာဲယာၟ။
စ၀္ယွၜထ၀့္