ပြည်ပရဟန်းတော်များ ထိုင်းနိုင်ငံဗီဇာသက်တန်းတိုးတာနဲ့ပတ်သက်ပြီး သိထားရမည့်အချက်အလက်များ

ထိုင်းနိုင်ငံမှာသီတင်းသုံးနေထိုင်ကြတဲ့ မြန်မာနိုင်ငံမှရဟန်းတော်များ အထူးအားဖြင့် ကျောင်းလာတက်ကြတဲ့ကျောင်းသား
ရဟန်းတော်များအတွက် ဗီဇာလုပ်တာ၊ သက်တန်းတိုးတာနဲ့ပတ်သက်ပြီး သိသင့်သိထိုက်တဲ့အချက်အလက်များကို တင်
ပြပေးချင်ပါတယ်။ (၂၀၁၃) နှစ်တွင် ပြည်ပနိုင်ငံရဟန်းတော်များ ဗီဇာတိုးခြင်းနဲ့ပတ်သက်ပြီး ထိုင်းနိုင်ငံ သံဃာ့အဖွဲ့
အစည်းမှ ထုတ်ပြန်ထားတဲ့စည်းမျဉ်းစည်းကမ်း Procedure, Regulation, Rule တွေကို ထုတ်ပြန်ထားတာရှိပါတယ်။
ကျနော်အမြင်အရဆိုလျှင် ပြည်ပနိုင်ငံမှ ပညာလာသင်တဲ့ရဟန်ုးတော်များထပ်မံကန့်သတ်တဲ့သဘောလည်းဖြစ်နိုင်ပါ
တယ်။ နံပါတ် (၄) အချက်ကို ကြည့်လိုက်လျှင် သာမန်ရဟန်းတော်တစ်ပါးအနေနဲ့ အဲလောက်ဘဏ်အကောင့်ပမာဏ
ဟာ သူ့အတွက်အခက်အခဲရှိမှာအမှန်ပဲ။ ဒီစည်းမျဉ်းစည်းကမ်းထုတ်ပြန်ရတာ အကြောင်းကတော့ရှိမယ်ထင်ပါတယ်။
(၁) စည်းကမ်းမရှိတဲ့ စည်းကမ်းမလိုက်နာတဲ့ ပြည်ပသံဃာတော်များကို ကန့်သတ်လိုခြင်း
(၂) ထိုင်းနိုင်ငံမှာ တနေ့တစ်ခြားများပျားလာတဲ့ ပြည်ပကျောင်းသားရဟန်းတော်များကို ကန့်သတ်လိုခြင်း -အားဖြင့်
အကြမ်းဖျင်းသိနိုင်ပါတယ်။
ဗီဇာသက်တန်းတိုးတာနဲ့ပတ်သက်ပြီးထုတ်ပြန်တဲ့စည်းမျဉ်းစည်းကမ်း Procedure, Regulation, Rule တွေကို
အောက်ပါ မူးရင်းထုတ်တဲ့ (ထိုင်း) စာအတိုင်းဘာသာပြန်ထားခြင်းဖြစ်ပါတယ်။

ပြည်ပကျောင်းသားရဟန်းတော်များအတွက် ထိုင်းနိုင်ငံဗီဇာသက်တန်းတိုးရန် အချက်အလက်

၁။ ပေးထားသောစာရွက်စာတန်းများကို ဘန်ကောက်တိုင်းဥက္ကဋ္ဌကျောင်းသို့ တစ်ဆောင်တင်ရမည်။

၂။ ပေးထားသောစာရွက်စာတန်းများကို ထိုင်းနိုင်ငံ သာသနာရေးဦးစီးဌာနသို့တစ်ဆောင်တင်ရမည်။

၃။ ပေးထားသောစာရွက်စတန်းများကို immigration လ.၀.က ရုံးသို့တစ်ဆောင်တင်ရမည်။

၎။ ရေးသားဖြည့်စွက်ရမည့် စာရွက်စာတန်းများမှာ....
(က) မိမိနေထိုင်တဲ့ကျောင်းတိုက်၏ ဆရာတော်ထောက်ခံစာ
(ခ)မိမိပညာသင်ယူတဲ့ ကျောင်း၊ တက္ကသိုလ်၏ ထောက်ခံစာ.....ထိုတွင် မိမိဖြေဆိုထားတဲ့ အတန်းဆိုင်ရာရမှတ်
တွေကို ထည့်သွင်းပေးရမည်။
(ဂ) စပွန်စာပေးသောပုဂိုလ်၏ထောက်ခံစာ....စပွန်စာပေးသူက
ကျောင်းထိုင်ဆရာတော်ဖြစ်လျှင် ၎င်း၏ဘဏ်နံပါတ်ကိုပြရပါမည်။ ဒါမှမဟုတ်လျှင် လက်ထောက်ဆရာတော်ဘဏ်၊
ကျောင်းရန်ပုံငွေဘဏ်၊ ထောက်ပံ့သူ၏ဘဏ်၊ ကိုယ်တိုင်ဘဏ်တစ်ခုခုပြရပါမည်။ ၎င်းအပြင်...
ထိုင်းဘုန်းတော်ကြီးကျောင်း ပါဠိဘာသာသင်ယူနေသောပုဂိုလ်များအတွက် ဘတ်ငွေ (၅၀၀၀၀) ငါးသောင်းပြရမည်။
ထိုင်းတက္ကသိုလ်ပညာတက်ရောက်သင်ယူနေသောပုဂိုလ်များအတွက် ဘတ်ငွေ (၁၀၀၀၀၀) တစ်သိန်းပြရမည်။

(၅) ပတ်စ်ပို့မိတ္တူ

(၆) သာသနာဝင်မှတ်တမ်း (သာသနာဝင်မှတ်တမ်းမရှိလျှင်မိမိနေထိုင်တဲ့ကျောင်းထိုင်ဆရာတော်၏ထောက်ခံစာ)

(၇) မိမိအောင်မြင်ထားတဲ့ အတန်းအောင်လက်မှတ်မိတ္တူ

(၈) တရားအားထုတ်သောပုဂိုလ်များအတွက် သံဃာ့အဖွဲ့အစည်းက အသိအမှတ်ပြုထားသောထောက်ခံစာ

မှတ်ချက် = ဆရာတော်ထောက်ခံစာကို ကျောင်းစည်းတံဆိပ်ပါရမည်။ ထောက်ခံစာတိုင်းမှာ မှန်ကန်ကြောင်းလက်
မှတ်ထိုးရပါမည်။ ဗီဇာမကုန်ခင်တစ်လ အနည်းဆုံးသက်တန်းတိုးရမည်။

ဘာသာပြန် = မာန်နဲာကုဝေရ (နွန်ထဘူရီ)

ဖြည့်စွက်ရမည့်ပုံစံများနှင့် မူးရင်းထုတ်ပြန်ချက်စာ