တောင်ဇွဲကပင် သက်သေတည်

အတိတ်ကိုရှေ့ရှူ့ အနာဂတ်ကိုမျှော်ကြည့်လျှင် ကရင်ပြည်နယ် မြို့တော်ဘားအံ၏ တောင်ဘက်ခြမ်းမှာ ခပ်ဝေးဝေးက လှမ်းမြင်ရသောတောင်သည် ကရင်တစ်မျိုးသားတို့ကို ကိုယ်စားပြုသော ကျက်သရေဆောင် ဇွဲကပင်တောင်ဟု ခေါ်ပါသည်၊ လွန်ခဲ့သောအတိတ်သမိုင်းကို ပြန်ကြည့်လျှင်လည်း သုံးလူ့ထွဋ်ထား မြတ်စွာဘုရား၏ ဆံတော်အစစ်ဖြင့် ဌာပနာထားသည်ကို စာပေသမိုင်းအရ ဖတ်ရှု့ရပါသည်၊
ဤသို့ ဇွဲကပင်တောင်သည် မြတ်စွာဘုရား ဆံတော်အစစ်ဖြင့် ထာပနာထားသည့်အတွက် ကရင်ပြည်နယ်တစ်ဝှမ်းလုံးသာမက အနယ်နယ်အရပ်ရပ်က လာရောက်ဖူးမြော် ပူဇော် ကန်တော့ကြ သည်ကို စာရေးသူကိုယ်တိုင်မျက်ဝါးထင်ထင်တွေ့မြင်ရပါ၊ နှစ်စဉ်တပေါင်းလပြည့်နေ့မှာလည်း ဇွဲကပင်တောင် အရှေ့ဘက်ခြမ်းခလောက်နို့ခွင်နှင့် အနောက်ဘက်ခြမ်းဒုံရင်းခွင်တို့က ဗုဒ္ဓပူဇနိယ ပွဲတော်များ စည်ကားသိုက်မြိုက်စွာ ကျင်းပကြပါသည်၊


အထက်ပါ ဇွဲကပင်တောင်၏ ကျော်ကြားမှုနှင့် ဘုန်းသမ္ဘာကြီးမားမှုကို ထောက်ရှု့၍ နိုင်ငံခြားသို့ သွားရောက်ပြီး ပညာသင်ကြားနေသည့် ကရင်ရဟန်းတော်များအထောက်အပံ့ ရရှိရေးအတွက် ထိုင်းနိုင်ငံမှ ကရင်သံဃာတော်များနှင့် ဒကာ/ဒကာမများလက်တွဲ၍ ‘ဇွဲကပင် ပညာဒါန အသင်း’ ဟူသောခေါင်းစဉ်ဖြင့် အသင်းတစ်ခုတည်ထောင်လိုက်သည်၊ ဤအသင်း အရှည်တည်တံ့ခိုင်မြဲရေးကို ရည်ရွယ်ကာ ‘ဇွဲကပင် ပညာဒါန အသင်း’ ဆိုသည့်ခေါင်းစဉ်ကို သမဂ္ဂီသံဃာစုံညီစွာဖြင့် ရွေးချယ်လိုက်သည့်အတွက် စာရေးသူက အင်မတန်မှ သဘောအားကျမိပါသည်။
အကြောင်းမှာမူ ကရင်ပြည်နယ် ကျက်သရေဆောင် ဇွဲကပင်တောင်သည် တစ်ခြားတောင်နှင့် ယှဉ်ကြည့်လျှင် တမူထူးခြားကွဲပြားလျက်ရှိပါ၏။
ခပ်လှမ်းလှမ်းကနေ လှမ်းကြည့်ပါက တံခွန်တိုင်ပမာ မတ်သည် စောက်သည် တော်ရုံတန်ရုံစိတ်ဓာတ်ဖြင့် တက်လျှင် အပေါ်သို့ မရောက်နိုင်ပေ။
တကယ့်တကယ်အင်တိုက်အားတိုက်ဇွဲနှင့်မာန်နှင့်တက်မှသာလျှင် အပေါ်သို့အလွယ်တကူဖြင့် ရောက်နိုင်ပါသည၊် ထိုထက်ထူးတာက ဇွဲကပင်တောင်သည် ဘယ်အချိန်ဘယ်အခါ ဘယ်ရာသီပဲကြည့်ကြည့်မရိုးနိုင်၊ လေပူတွေဘယ်လောက်တိုက်တိုက် လေစိမ်းတွေ ဘယ်လောက်ပဲတွန်းတွန်း မတုန်မလှုပ် မယိမ်းမယိုင် ကျောက်စာတိုင်ပမာ အမြဲတိုင်းမတ်မတ်မားမားတည်တံ့ခိုင်မြဲလျက်ရှိနေပါသည်။

ထို့အတူ စားရေးသူတို့ ကရင်တစ်မျိူးသားလုံးတို့ကလည်း ဇွဲကပင်တောင်၏ တည်ငြိမ်မှုနှင့် ခိုင်ခံ့မှုကို စံနမူနာထားပြီး တောင်ပေါ်မြေပြန့်ကရင်နှင့် ပြည်တွင်းပြည်ပကရင်အားလုံးတို့က ‘ဥမကွဲ သိုက်မပျက်ပဲ’ မိမိတို့ စိတ်ဓာတ်ကို ဇွဲကပင်တောင်လို စုစည်းပြီး ဇွဲကပင်တောင် ကျောက်သားလို တည်တံ့ခိုင်မြဲမှုရှိကြစေရန်နှင့် တစ်ယောက်နှင့်တစ်ယောက်၊ တစ်စုနှင့်တစ်စု သွေးချင်းမပြန့်ကျဲ စိတ်ဝမ်းမကွဲပြားပဲညီညီညွတ်ညွတ်ရှိနေမည်ဆိုပါက မိမိတို့ လူမျိူးများသည် ဘယ်တော့မှ တိမ်ကောပပျောက်လိမ့်မည်မဟုတ်ပေ။
စာရေးသူဆိုလိုရင်းက ဇွဲကပင်တောင်သည် မီးအိမ်ကြောင့် တစ်တောင်လုံးထွန်းလင်းတောက်ပသကဲ့သို့ မိမိတို့ကရင်တစ်မျိုးသားလုံးတို့ကလည်း ပညာရေးကြောင့် ဘ၀ကိုမြင့်တင်နိုင်ကြပါစေ၊ ပညာဆိုတာ အကောင်းအဆိုး အကြောင်း အကျိုး ဟုတ်မဟုတ် မှန်မမှန်နှင့် အကျိုးရှိမရှိကို သိတတ်တဲ့အတွက်ကြောင့် ပညာလို့ ခေါ်ပါတယ်၊
ပညာနဲ့ပတ်သက်ပြီး အတုယူစရာ ဥပမာများကို ဆိုရလျှင်-
၁၊ ပညာဆိုတာ အလင်းရောင်နဲ့တူတယ်၊
၂၊ ပညာဆိုတာ မိတ်ကောင်းဆွေကောင်းနဲ့တူတယ်၊
၃၊ ပညာဆိုတာ လမ်းနဲ့လည်းတူတယ်။
ဒါကြောင့် ဘ၀ရေးနှင့် လူမျိုးတစ်မျိုး အရှည်တည်တံ့ခိုင်မြဲရေးအတွက် အဓိက အသက်သွေးကြောမှာ စာပေ(သို့) ပညာပင်ဖြစ်သည်။
စာပေနှင့်ပညာပျောက်လျှင် စကားပျောက်မည်၊ စကားပျောက်လျင် လူမျိုးပျောက်မည်ကို ကရင်တစ်မျိုးသားလုံးတို့အတွက် သတ်ိဖြင့် အသိရှိကြစေလိုပါသည်။
နိဂုံးချုပ်အနေအားဖြင့် ရေရှိမှ ကြာတင့် ကြာရှိမှရေတင့် ဆိုသလို ဆရာနှင့်ဒကာ ရေနှင့်ကြာလို လက်တွဲကာဖြင့် ပညာအမွေ ဓမ္မအမွေများပေးဝေကြလို့ ဘ၀တစ်ခုလုံခြုံမှုရှိကာ အသိမှန် အမြင်မှန် ဘ၀လမ်းကြောင်းမှန်ကို ခွဲခြားဝေဖန်နိုင်တဲ့ ပညာရှိများပေါ်ထွန်းပါစေလို့ြံကီးမားသော မေတ္တာများဖြင့် ဆန္ဒပြုရင်း ‘ဇွဲကပင် ပညာဒါနအသင်း’ကို ဤဆောင်းပါးဖြင့် ရေးသား ဂုဏ်ပြုလိုက်ရပါသည်။

ပညာဂုဏော အနန္တောဖြင့်
ဇွဲချစ် (ဇွဲကပင်)